kwamamaza 7

Rwanda yapiga marufuku simu za Galaxy Note 7

0

Serikali ya Rwanda imepiga marufuku uagizaji na usambazaji wa simu za kampuni ya Samsung aina ya Galaxy Note 7.

Hatua hiyo imechukuliwa siku chache baada ya kampuni hiyo ya Korea Kusini kutangaza kwamba ingesitisha uundaji na uuzaji wa simu hizo kutokana na kuongezeka kwa visa vya simu hizo kushika moto au kulipuka.

Mamlaka inayosimamia bidhaa na matumizi nchini Rwanda (RURA) imesema hatua ya kupiga marufuku simu hizo imechukuliwa kwa sababu za kiusalama.

“Kwa sababu za kiusalama, wateja ambao huenda walinunua simu hizi binafsi nje ya nchi wanatakiwa kuzizima na kuzirejesha eneo walizozinunua,” imesema taarifa ya kaimu mkurugenzi mkuu wa mamlaka hiyo Meja Jenerali Patrick Nyirishema.

Tarehe ya 11 Oktoba 2016, kiwanda cha Korea ya kusini cha Samsung pia kimewashauri walio na simu hizo kutozitumia tena na kuzirudisha ili kulipiwa.

Théogène U @Bwiza.com

Leave A Reply

Your email address will not be published.

This site uses Akismet to reduce spam. Learn how your comment data is processed.